tamannaaoN ko zindaa aarzuoN ko jawaaN kar luuN

umarzai · 11th May 2008, 03:59 PM

tamannaaoN ko zindaa aarzuoN ko jawaaN kar luuN
yeh sharmiili nazar kah de to kuchh gustaakhiyaaN kar luuN

bahaar aaii hai, bulbul dard-e-dil kahtii hai phuuloN se
kaho to maiN bhii apnaa dard-e-dil tumse bayaaN kar luuN

hazaaroN shoKh armaaN chutkiyaaN le rahe haiN dil meN
hayaa unkii ijaazat de to kuchh be-baakiyaaN kar luuN

koii suurat to ho duniaa-e-faani meN bahalne kii
Thahar jaa aye jawaani maatam-e-umr-e-ravaaN kar luuN

mujhe donoN jahaaN meN ek voh mil jaayenge gar Akhtar
to apnii hasratoN ko be-nayaaz-e-do-jahaan kar luuN

Akhtar Sheerani

11th May 2008, 03:59 PM	#1 (permalink)
umarzai Friendly Member Join Date: Mar 2008 Location: Peshawar(PAK) Posts: 51	tamannaaoN ko zindaa aarzuoN ko jawaaN kar luuN tamannaaoN ko zindaa aarzuoN ko jawaaN kar luuN yeh sharmiili nazar kah de to kuchh gustaakhiyaaN kar luuN bahaar aaii hai, bulbul dard-e-dil kahtii hai phuuloN se kaho to maiN bhii apnaa dard-e-dil tumse bayaaN kar luuN hazaaroN shoKh armaaN chutkiyaaN le rahe haiN dil meN hayaa unkii ijaazat de to kuchh be-baakiyaaN kar luuN koii suurat to ho duniaa-e-faani meN bahalne kii Thahar jaa aye jawaani maatam-e-umr-e-ravaaN kar luuN mujhe donoN jahaaN meN ek voh mil jaayenge gar Akhtar to apnii hasratoN ko be-nayaaz-e-do-jahaan kar luuN Akhtar Sheerani

Thread Tools
Show Printable Version Email this Page
Display Modes
Linear Mode Switch to Hybrid Mode Switch to Threaded Mode

Currently Active Users Viewing This Thread: 1 (0 members and 1 guests)